PROFAL-ն իր ուղին սկսել է երկու տասնամյակ առաջ, երբ մեր թիմակիցներից շատերը, այդ թվում՝ ես, դեռ երեխա էինք։ Հայաստանում բարդ ու դժվարին ժամանակներն էին, բիզնես ոլորտն այնքան էլ զարգացած չէր, չկար համապատասխան միջավայր ու մշակույթ, բայց երեք հիմնադիրները ռիսկի դիմեցին՝ մտքում ունենալով Հայաստանի զարգացման համար ինչ-որ բան անելու ցանկությունը: Իհարկե, հեշտ չէր սկիզբ դնել ու ձևավորել միանգամայն նոր ուղղություն, բայց շնորհիվ համառության և քրտնաջան աշխատանքի՝ հաջողվեց Հայաստանում զարգացնել պատուհանների և դռների արտադրության ոլորտն ու հստակ քայլերով գնալ առաջ: Տարիների ընթացքում PROFAL-ն աճեց ու մեծացավ՝ դառնալով վստահելի անուն ոչ միայն հայկական, այլև միջազգային շուկայում։ Պրոֆեսիոնալ և իրենց գործին նվիրված անհատների շնորհիվ մեր ընկերությունը մշտապես ձգտում է գերազանցության՝ ստեղծելով արտադրանք, որը համատեղում է որակը, արդյունավետությունն ու հարմարավետությունը։ Մենք ձգտում ենք շարունակաբար կատարելագործել մեր կարողությունները՝ գոհացնելու մեր բոլոր հաճախորդներին ու սպասարկելու շուկայի անընդհատ փոփոխվող պահանջները: PROFAL-ն ունի մեծ նպատակներ, որոնց հասնելու համար մեզանից յուրաքանչյուրը ջանք չի խնայում։