PROFAL ընկերությունը լավագույն փորձի փոխանակման և միջազգային կապերի ամրապնդման նպատակով կազմակերպել է ճարտարապետների այց իր գործընկեր Alumil ընկերություն, որը գտնվում է Հունաստանի Սալոնիկ քաղաքում։
Alumil-ն ալյումինե պրոֆիլների և աքսեսուարների արտադրության ոլորտի եվրոպական առաջատար ընկերություններից է։

Այցը հնարավորություն կտա նաև կիսվել հայաստանյան փորձով և նոր փոխշահավետ գործընկերություններ ձևավորել։ Այցին մասնակցում են  PROFAL ընկերության, «Ստորակետ» ճարտարապետական արվեստանոցի, «Տարբերակ», «Կուլտհոմ» ճարտարապետական ստուդիաների, Թիմ Ֆլին արքիթեքսի, «Անարխ» ճարտարապետական արվեստանոցի ներկայացուցիչները, ում հետ իրականացրել ենք 2023-ի ամենախոշոր նախագծերը։ 
Այցի ընթացքում նախատեսվում է շրջայց Alumil ընկերության գործարանում, ընթացիկ աշխատանքներին և արտադրական հոսքագծերին ծանոթացում, տեղի առաջատար ճարտարապետների հետ հանդիպում, մասնագիտական քննարկումներ և նեթվորքինգ։